लक्षवेधी सुचना,बीडी उद्योग कामगारांचे आंदोलन...

धुम्रपान कायद्यातून बिडी उद्योगाला सवलत द्यावी- आ.रणजितसिंह मोहिते-पाटील
नागपूर, दि.१८डिसे. आज विधानपरिषदेमध्ये धुम्रपानविरोधी कायद्यातून बिडी उद्योगातील कामगारांसाठी वेष्टन व जाहिरातीमधून सूट देण्याची मागणी रणजितसिंहांनी केली. ते म्हणाले, केंद्र शासनाने धुम्रपान बंदी विधेयक सन २००३ मध्ये आणले,या विधेयका अन्वये प्रत्येक बीडीवर निकोटीन व टार चे प्रमाण लिहणे,बीडी बंडलच्या ४० टक्के भागावर वैधानिक इशारा व कँन्सर रूग्णाचे चित्र लावणे बंधनकारक केले आहे, परंतू प्रँक्टीकली हे करणे शक्य नसल्याने बीडी कारखानदारांनी सोलापूर मधिल कामगारांना कपातीच्या नोटीसा दिल्या व कामगार आयुक्तांना परवानगीसाठी अर्ज केला, त्यामुळे ६५००० महिलांनी कामगार आयुक्त,सोलापूर यांच्या कार्यालयावर मोर्चा काढला, राज्यातील दीड लाख आदिवासी व महिलांना रोजगार देणारा हा घरखेप उद्योग बंद केल्यावर मोठ्या प्रमाणात बेरोजगारीचे संकट उभे राहणार आहे, म्हणून राज्य शासनाने हस्तक्षेप करून हा उद्योग वाचवावा. यावर कामगार मंत्री नवाब मलिक यांनी सांगितले की, केंद्र शासनाने ३१.०५.२००९ पर्यंत म्हणजे ६ महिने अंमलबजावणी पुढे ढकलली असून, येत्या ६ महिन्याच्या पूर्वी लोकप्रतिनिधींना घेऊन मा.पंतप्रधानांना भेटून बीडी उद्यागाला संरक्षण देम्याची मागणी करण्यात येईल.